Медик, психолог, кинорежиссёр Ибадылла Аджибаев: Жакында өзүмдүн даректүү тасмаларым менен бир нече европалык мамлекетке барып, фестивалдарга катышып, бир нече сыйлыкка ээ болуп келдим. Санап көрсөм, акыркы беш жылда менин фильмдерим 7 баш байге утуптур, азыр 3 жаңы тасма тартууну пландап жатам. Ал ортодо, режиссура боюнча билимимди тереңдетейин деп, быйыл, 63 жашымда, Искусство институтуна тапшырдым.

Искусство жана өзгөчө кино тармагына жаштарды көбүрөөк тартуу үчүн тарбияны эң жаш кезден баштоо керек, мисалга, Францияда мен көрдүм – киночулар тасмаларын айыл-кыштактарга алып барып жаштарга бекер көрсөтүп, дискуссия уюштурат экен. Ага өтө деле көп каражат кетпейт...