Кыргызстанда доллардын расмий курсу 26-мартка карата дагы бир сомго жогорулады. Учурда Улуттук банктын сайтында бир доллар 79 сом 74 тыйын болуп турат.

Буга чейин кечээ, 25-мартта 78 сом 88 тыйын болуп, доллар улуттук валюта сомго карата акыркы суткада 1,9 пайыз жогорулады.

Коммерциялык банктар жана акча алмаштыруучу жайлар долларды 80 сомдон сатып сатууда. Ал эми учурда расмий курс боюнча сомго карата евро 86,37, орус рубли 1,02, казак теңгеси 0,17 тыйынды түзүүдө.

Ал эми доллардын көтөрулүшүн Улуттук банк дүйнөдөгү жана өнөктөш мамлекеттердеги финансы рыногундагы олку-солкулукка байланыштырууда.

Булак: NazarNews.kg