Коомдук ишмер Ахунбай Кошоев: Кыргызстандын жакынкы эле тарыхында саясий күчтөр өз максаттарына жетүү үчүн уюшкан кылмыштуу топтордун мүчөлөрүн пайдаланган жана кандайдыр бир ченемде «саясий-кылмыштуу синдикат» иштеген деп божомолдосо болот. Ак иштеп, адилеттүүлүк орнотуу үчүн аракеттенген Абдували Акжолов сыяктуу кызматкерлерди алар өз кылмыштарын жашыруу максатында иштен кетирип, аларга кылмыш иштерин «илип», куугунтуктаган. Акжолов болсо, 2003-жылы мартта бир автобустагы 21 ишкер бир учурда өлтүрүлгөнүнөн тышкары, 2010-жылдагы революция учурундагы мародёрлукту дагы дыкат иликтеген...