www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Бүгүн, 17-мартта, Кыргыз Республикасынын Президентине караштуу Инвестициялар боюнча улуттук агенттиктин башчысы Равшанбек Сабиров инвестициялык долбоорлордун ишке ашырылышына мониторинг жүргүзүүнүн алкагында Ош облусунун Кара-Суу районунун Жаңы-Арык айылында жайгашкан «Восточные строительные материалы» ЖЧКсына барды.
Ишкана курулуш кирпичин жана газоблокторду өндүрүүгө адистешкен. Долбоор күнүнө 200 миң даанага чейин кирпич өндүрүү кубаттуулугу менен күйгүзүлгөн кирпич жана газобетон блокторун чыгаруучу өндүрүштү түзүүнү карайт. Долбоордун жалпы инвестиция көлөмү 10,5 млн АКШ долларынан ашат.
2025-жылдын 4-августунда түзүлгөн жер тилкесин ижарага алуу келишимине ылайык, ишкана пайдаланууга берилгенден кийин компания Кара-Суу районунун Ынтымак айыл өкмөтүнүн бюджетине ыктыярдуу төлөмдөрдү жүргүзүп келет. Биринчи жылы 35 млн сом которуу каралган, кийинки жылдары жыл сайын 5 млн сомдон социалдык инфраструктураны өнүктүрүүгө жана жергиликтүү калкты колдоого багытталат.
Долбоорду ишке ашыруу жаңы жумуш орундарын түзүү жана бюджетке салыктык түшүүлөрдүн көбөйүшү менен коштолууда. Ошондой эле ишкананын ишке киргизилиши аймактагы курулуш тармагынын өнүгүшүнө жана Ош облусунда инвестициялык активдүүлүктүн жогорулашына байланыштуу.
< Предыдущий
Следующий >
Последние новости
