Баткен облусунда район, шаар аралык коомдук транспорттордун ишмердүүлүгүнө, учурдагы кырдаал талап кылган бардык санитардык-эпидемиологиялык эрежелерди жана талаптарды сактоо менен жандандырууга уруксат берилди. Бул тууралуу республикалык штабдан кабарлашты.

Мындай чечим коронавирус оорусу менен күрөшүү боюнча облустук штабда кабыл алынды.

Автотранспорт агенттигинин жетекчилигине коомдук транспорттордо санитардык норманы сактоо боюнча айдоочуларга жана жүргүнчүлөргө түшүндүрүү иштерин жүргүзүү, автотранспортторду байма бай дезинфекциялоо, алардын ишине такай рейддерди жүргүзүп туруу тапшырмалары коюлду.

Белгилей кестек, облустар аралык коомдук транспорттун каттоосуна уруксат жок.

Булак: NazarNews.kg