Илдет башталгандан бери мекендеш мигранттарыбыз өлкөбүзгө кайтып келүүнү каалап, айрымдар кайтып келишкен. Ал эми  төмөндөгү видеонун авторунун айтымында 80дей киши Россиянын Оренбург шаарындагы ээн талаада калып кетишкен. Автор токойдо нан да, суу да жок экенин айткан. Тасмадан жарандар жерде жатышкандарын жана чемодандары камдалып турганын көрүүгө болот.

Эске салсак, 2020-жылдын 7-майында 541 кыргызстандык Россия Федерациясынын Оренбург облусунун Соль-Илецк шаарынан кайтарылды, бул Казакстан тарап менен Россия-Казакстан чек арасына жакын тилкеде Казакстан Республикасынын аймагында ӨА режиминин аякташын көптөн бери күтүп турган Кыргыз Республикасынын жарандарын гуманитардык алып кетүү тууралуу жетишилген макулдашуулардын алкагында жүзөгө ашырылганын Кыргызстандын Тышкы иштер министрлиги билдирди..

Булак: NazarNews.kg