Бишкек шаарынын вице-мэри Татьяна Кузнецова кызматтан кетти. Маалыматты мэриядан тастыкташты.

Т.Кузнецова 2019-жылдын февраль айында вице-мэр болуп дайындалган. Ал социалдык маселелер боюнча блокту көзөмөлдөдү.

1990-жылдары мектептерде окуучуларга тарых сабагын окутуп, 2000-жылдары Бишкек мэриясынын билим берүү башкармалыгында, Кыргыз мамлекеттик медициналык академиясында эмгектенген.

Вице-мэр болуп дайындалганга чейин ал Октябрь районунун акиминин орун басары кызматын ээлеп келген.

Ал эми Бишкек шаарынын жаңы вице-мэри болуп Виктория Мозгачева дайындалды.

Мозгачева социалдык тармакты көзөмөлдөйт. Ал буга чейин «Бишкек жылуулук» коммуналдык ишканасынын директору болчу. И.Раззаков атындагы мамлекеттик техникалык университетте инженер-экономист адистиги боюнча жогорку билим алган.

Булак: NazarNews.kg