Аппаз Жайнаков атындагы Баткен облустук музыкалык-драма театры 1-июнь балдар күнүнө карата ошондой эле Маданият, маалымат жана туризм министрлиги жарыялаган "Бактылуу балалык" жумалыгынын алкагында "Балдар - биздин келечек" аттуу  фото флешмоб өткөрөрүн, театрдын көркөм жетекчиси Курманбек Ниязбеков NazarNews маалымат агенттигине билдирди.

Анын айтымында, театрдын артисттеринин сүрөттөрүнө балдарга байланышкан макал-лакаптар жана афоризмдер жазылып, театрдын социалдык баракчаларына, интернет айдыңына кеңири жарыяланат.

Мунун башкы максаты биздин келечегибиз болгон балдарга ата - бабаларыбыз турмуштук тажрыйбасына таянып айтып кеткен тарбиялык мааниси зор макалдарды заманбап ыкма менен улам даңазалап туруу. Анткени, элибиздин баа жеткис ооздон-оозго айтылып келген руханий байлыктарын кийинки муунга узатуу биздин, тактап айтканда маданият кызматкерлеринин түздөн-түз милдети экенин баса белгилеген көркөм жетекчи, бул фото флешмопту башка театрлар жана маданий мекемелер быйылкы "Балдарды коргоо жылына карата" андан ары улантып кетишсе кубанычта болорун кошумчалады.

Булак: NazarNews.kg