Үстүбүздөгү жылдын 8-августунан баштап Ош шаарынын кире беришиндеги бардык санитардык-карантиндик посттор алынып салынды. Мындай чечим Ош шаардык жарандык коргонуу башкы башкармалыгынын отурумунда кабыл алынды.

Эске сала кетсек, Ош шаарынын чек араларында жети санитардык-карантиндик пост орнотулган (“Жапалак ДЭУ”, “Тээке-Аскер полигону”, “8-март”, “ТЭЦ”, “Беш-Көпүрө”, “Кырарык-Арка”, “Амир -Тимур “).

Бирок, эпидемиологиялык кырдаал татаал бойдон калаарын эсиңиздерге салабыз, оорунун бир аз төмөндөшүнө карабастан, бардык санитардык-гигиеналык ченемдерди жана эрежелерди так сактоо керек.

Бүгүнкү күнгө карата Ош шаарында коронавирустун жана пневмониянын 24 учуру катталды.

Булак: NazarNews.kg