Ош шаары боюнча жол кыймылынын коопсуздугун камсыздоо бөлүмүнүн укук колдонуу тажрыйбасынын улук инспектору, милициянын капитаны Умаров Улугбек Усманалиевич 43 жашында коронавирустан каза тапты. 

Маалыматка ылайык, 1-июль күнү андан коронавирус илдети аныкталган. Маркум 3 күн дене табы көтөрүлгөнүнө карабай иштеп, 5 күн үйдө дарыланып, 3 күн ооруканада жаткан.

Улугбек Умаров 2001-жылдан тартып укук коргоо органдарында эмгектенип келген. 2001-жылдан 2006-жылга чейин Ош шаардык ички иштер башкармалыгында эмгектенип, 2006-жылы Ош шаары боюнча жол кыймылынын коопсуздугун камсыздоо бөлүмүнө которулган. Өмүрүнүн акырына чейин аталган бөлүмдө иштеген. Ушул жылдар аралыгында бир топ сыйлыктардын ээси болууга жетишти. Кыргыз милициясынын 80-85-90 жылдык мааракелик медалдары менен сыйланган.

Булак: NazarNews.kg