Биз мыкты тажрыйбабызды союздаштар менен бөлүшүшүбүз керек. Бул туурасында Россия президентинин Аймактар аралык жана маданий байланыштар боюнча башкармалыгынын жетекчиси Игорь Маслов айтты.

Ал КРСУ менен Санкт-Петербург политехникалык университетинин, Москва мамлекеттик эл аралык мамилелер институтунун кызматташуусу боюнча макулдашууга кол коюлган аземге катышып, пикири менен бөлүшкөн.

Маслов Санкт-Петербург политехникалык университетинин жетекчилигине жогорку квалификациялуу инженерлерди даярдоо боюнча өтүнүчкө оң жооп бергенине ыраазылык билдирди. Өкүл экономика, анын ичинде энергетика, тоо-кен тармагында кызматташуу боюнча эки тараптуу олуттуу программалар бардыгын эске салды.

"Биз мыкты тажрыйбаларыбызды, колубузда болгон, иштелип чыккан ыкмаларыбызды союздаштар менен бөлүшүшүбүз керек", — деген Маслов.

Ал Санкт-Петербург политехникалык университети КРСУнун инженерлерди даярдоосуна салмактуу салымын кошорун белгиледи.

Булак:NazarNews.kg