Чүй облусунун Токмок шаарындагы "Лукман аль-Хаким" Ислам институтунун ректору Лугмар Гуахунов каза болду. Бул тууралуу муфтияттын басма сөз кызматынан кабарлашты.

"Лугмар ажы Гуахунов ислам динине өтө чоң салым кошкон илимдүү аалымдардан эле. Лугмар ажыны Орто Азия эле эмес, Бухарадагы медресени бүткөн дүйнөнүн чар тарабындагы бардык аалымдар билимине баасын берип келишкен. Лугмар ажы бул ааламдан өткөндүгүнө байланыштуу анын үй-бүлөсүнө, жакындарына чын көңүлүмдөн көңүл айтамын. Бул оор кабарды терең кайгыруу менен кабыл алдык", - деп айтылат маалыматта.

Булак: NazarNews.kg