Бишкек шаарында баңгизатын тараткан деп шектелип, жаш жигит кармалганын 2-августта Биринчи май РИИБинин басма сөз кызматы билдирди. Борбордун тургуну Ошто баңгизатын сатууну пландап жатканы тууралуу маалымат милиция кызматкерлерине 2021-жылдын октябрында түшкөн.

Бул факт Кылмыш-жаза кодексинин 282-беренеси («Баңгизат, психотроптук заттарды жана алардын аналогдорун сатуу максатында даярдоо») менен катталып, ыкчам аракеттер жасалды.

Жыйынтыгында Биринчи май РИИБинин ыкчам кызматкерлери тарабынан шектүү — 2004-жылы туулган Ш.Б. — кармалды. Анын жанынан 1 кг 342 грамм нашаа табылган. Шектүү убактылуу камакка алынып, тергөө уланып жатат.

Булак: NazarNews.kg