Кыргыз Республикасынын эмгек сиңирген артисти, ырчы жана обончу Тургуналы Нурматов 64 жашында каза болду. Бул тууралуу анын кесиптештери социалдык тармактагы баракчасы аркылуу билдиришти.

Т.Нурматов 1955-жылы 25-декабрда Талас облусунун Бакай-Ата районунун Боо-Терек айылында туулган. Ал «Кыргызымдын жигиттери», «Жымыңдайт жылдыз» жана башка ырларга обон жазган.

Ырчынын жакындарына NazarNews маалымат агенттигинин жалпы жамааты аза-кайгысын тең бөлүшүп, терең кайгыруу менен көңүл айтат.

Булак: NazarNews.kg