«Анэс Строй» компаниясынын жетекчиси Гүлнара Үсөнбаева 18-июлда – мени иштетпей жаткандыктан, мен курулушу аяктабаган үйдү бүтүрө албай жатам, ал ортодо менин компаниямды рейдерлик жол менен тартып алуу аракеттери болууда деп билдирген. Бүгүн болсо ал курулуштун үлүшкерлери Гүлзат Калманбетова, Батма Субанкулова жана Зиябидин Максутов – Үсөнбаева эч милдетин аткарбай жатат, 7-8 жылдын ичинде көп кабаттуу үйдүн экинчиден жетинчи кабатына чейинки гана жарым-жартылай иштер бүткөн, анын наркы болгону 500 миң доллар деп бааланууда, үлүшкерлерден болсо 2,5 млн доллар чогултулган, ал акча кайда кеткени белгисиз, ошондуктан биз аны сотко бергенбиз дейт...