Журналист жана коомдук ишмер Эсенбай Нурушев: 2010-жылдын 10-июнунда Ош окуялары башталганга чейин эле Ошко бир топ эл аралык маалымат агенттиктеринин журналисттери чогулуп калган жана кийин дагы алар көпкө чейин окуяларды бир беткей чагылдырып келген, кыргыз тарап болсо маалымат согушун уттуруп койгон. Каза болгондордун баары, улутуна карабай, Кыргызстан жарандары, ошондуктан бул – Кыргызстандын трагедиясы, ал эми Өзбекстандын ошол кездеги президенти Ислам Каримов учурунда – үчүнчү тараптын кийлигишүүсү бар, маселени Кыргызстан өзү чечип алыш керек деп, чет жактан гумжардам алып келаткан учактарды да Өзбекстандын аймагына кондурбай койгон...