www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Орусиянын портторго жасаган соккулары Украинанын дан экспортун дээрлик үчтөн бирине кыскартышы мүмкүн, деп билдирет Reuters.
Украинанын экономика министринин орун басары Тарас Высоцкийдин айтымында, портторго, кемелерге, темир жолдорго жана энергетикалык инфраструктурага чабуулдардын күчөшүнөн улам Одесса аркылуу экспорттолгон жүктүн көлөмү азыркы айына 6 миллион тоннадан 4 миллион тоннага чейин төмөндөшү мүмкүн.
Кырдаалды Украинанын экспортунун 90 пайыздан ашыгы Кара деңиздеги порттор аркылуу жүргүзүлөрү дагы татаалдаштырууда. Жүктөрдү Дунай дарыясы аркылуу ташууга жарым-жартылай гана мүмкүнчүлүк бар — анын көлөмү айына 1 миллион тоннадан ашпайт жана мындай логистика кыйла кымбатка түшөт.
Маалыматка ылайык, согуш башталгандан бери порт терминалдарынын чыгымы 1,5 миллиард долларга жеткен. Ошол эле учурда кемелерге жасалган соккулардын саны көбөйүп, жүк ташуу баасы өсүүдө. Бул болсо кеме ээлеринин украиналык порттордон оолак болушуна себеп болууда.
Эксперттердин баамында, бул жагдай Украина үчүн айыл чарба тармагына гана эмес, согуш шартындагы экономикага түшүп жаткан валюталык кирешелерге да олуттуу сокку болот.
Мындан тышкары, Украина дүйнөлүк буудай экспортунун болжол менен 6 пайызын жана жүгөрү экспортунун 11 пайызын камсыздагандыктан, анын кесепети дүйнөлүк азык-түлүк рыногуна да таасирин тийгизиши мүмкүн.
< Предыдущий
Следующий >
Последние новости
