Түштүк Корея кичинекей балдары бар конокторду кабыл албаган мекемелердин пайда болушуна туш болду. Чеджу илим-изилдөө институтунун акыркы маалыматтарына ылайык, өлкөдө алардын 542си бар. 

Балдарга тыюу салынган зонасы бар мекемелерди таануу кыйын эмес: адатта мындай жайлардын эшигинде атайын белги болот. Мындай мекемелердин көбөйүшүнө ишкерлер ар кандай жүйөлөрдү келтиришүүдө.

Кээ бир кафе-ресторандар балдар кардарлардын тынчын алат деп кооптонушса, башкалары бул коопсуздук жана материалдык зыяндын алдын алуу менен шартталган деп эсептешет.

Мындай жерлердин санынын тездик менен өсүп жатканы ата-энелерди тынчсыздандырууда. Алар мындай темп менен балдар коомго аралаша алышпайт жана коомдо өзүн алып жүрүүгө үйрөнүшпөйт деп кооптонушат.

Булак:NazarNews.kg