АКШ президенти кошумчалагандай, 18-август Ак үй үчүн "өзгөчө күн" болмокчу, анткени ал күнү бир учурда эле Европанын рекорддук сандагы лидерлери келет. Бул тууралуу ТАСС билдирди. 

 АКШ президенти Дональд Трамп билдиргендей, Владимир Зеленский Украинадагы кагылышууну дээрлик дароо жөнгө сала алат, эгерде ал Крымга болгон дооматтарынан жана өлкөнүн НАТОнун курамына кирүү идеясынан баш тартса.

"Украина президенти Зеленский кааласа, дээрлик дароо эле Россия менен болгон согушка чекит кое алат, же болбосо урушту уланта берет. Эсиңиздерде болсун, баары кантип башталганын. [Барак] Обамага 12 жыл мурда Крым кайтарылган жок (бир да ок атылбастан), жана Украина эч качан НАТОго кирген эмес. Айрым нерселер эч качан өзгөрбөйт", — деп жазган ал Truth Social тармагында.

Трамп кошумчалагандай, дүйшөмбү күнү Ак үй үчүн "чоң күн" болот, анткени буга чейин эч качан АКШ президентинин резиденциясына мынчалык көп европалык лидерлер келген эмес. "Жалган ЖМКлар Трамп үчүн бул — чоң жеңилүү деп айтышат, бирок чындыгында бул Америка үчүн чоң сыймык", — деп белгилеген ал кийинки билдирүүсүндө.

18-августта Зеленский Вашингтондо Трамп менен жолугат. Ага кошо Франциянын президенти Эммануэль Макрон, Улуу Британиянын премьер-министри Кир Стармер, Германиянын канцлери Фридрих Мерц жана Италиянын премьер-министри Джорджа Мелони да америкалык лидер менен жолугушууга барышат. Жолугушууга Европа комиссиясынын башчысы Урсула фон дер Ляйен да катышарын билдирген.