Казакстан президенти Касым-Жомарт Токаев менен Азербайжандын президенти Илхам Алиев тар курамда сүйлөштү. Бул тууралуу Акорданын басма сөз кызматы билдирди.

«Казакстан менен Азербайжандын президенттери тар чөйрөдө сүйлөшүүлөрдү өткөрүштү», — деп айтылат.

Казакстандын президенти Алиевге чакырууну кабыл алып, Астанага келгени үчүн ыраазычылык билдирди.

«Август айында мен Бакуга визит менен бардым, ал абдан жемиштүү болду жана эки тараптуу мамилелердин өнүгүшүнө олуттуу түрткү болду. Азербайжан Казакстан үчүн бир тууган жана абдан жакын мамлекет экенин белгилегим келет. Биз сиздин сапарыңызга даярдандык. Биз Закавказье чөлкөмүндө алдыңкы ролду ойногон Азербайжан менен экономикалык өз ара аракеттенүүнү жана кызматташтыкты өнүктүрүү боюнча өтө олуттуу ишке көңүл буруп жатабыз. Биздин ортобузда эч кандай маселе жок. Бул багытта алдыга умтулуу гана бар», — деди Токаев.

Булак: NazarNews.kg