Окуя кечээ, 31-январы күнү Чүй облусунун Аламүдүн районунда катталган. Саат 14:25 ӨКМге Ленин айылындагы Комунарская көчөсүнүн четинде жайгашкан көлмөдөгү муз үстүндө бала ойноп жатып сууга түшүп кетти деген маалымат түшөт. №1 Өрт-куткаруу бөлүмүнүн куткаруучулар 5 мүнөт ичинде жетип, дароо куткарганга киришет.

Бала суу ичинде, музду карманып турган жээктен 15-20 метр аралыкта. Куткаруучулар аркан байланып, муздун үстү менен барып чөгүп жаткан балага аркан ыргытып, тартып чыгышкан. Жыйынтыгында куткаруучулар 2004-жылкы С.М. аттуу баланы куткарып калышкан, баланын абалы туруктуу.

КР ӨКМдин Басма сөз кызматы

Булак: NazarNews.kg