2001-жылы Sony менен Ericsson биригип, мобилдик рынокто жаңы күч жаралган. Ал кезде рынокту Nokia толук көзөмөлдөп турган, ал эми Samsung жана LG али күч топтой элек болчу. Союз эки компания үчүн тең куткаруу болуп, Sony дизайн менен маркетингди, Ericsson технологияны камсыздаган.

2003-2006-жылдары Sony Ericsson гүлдөп-өнүккөн доорун башынан кечирди. K750i сыяктуу моделдер мобилдик сүрөт тартууда революция жасаса, Walkman сериясы музыка угууда жаңы стандарт жаратты. Компания дүйнөдөгү эң ири өндүрүүчүлөрдүн бири болуп, рыноктун 7%ына чейин жеткен.

Бирок ийгиликтин туу чокусунда эле ички карама-каршылыктар башталды. Айрыкча оюн телефону боюнча идеяны Sony өзү токтотуп, компаниянын өнүгүүсүнө тоскоол болду. Бул учурда рынокто чоң өзгөрүү болуп, 2007-жылы Apple биринчи iPhoneду чыгарып, мобилдик индустриянын багытын түп-тамырынан өзгөрттү.

Sony Ericsson бул өзгөрүүгө даяр эмес болчу. Android платформасына кеч өтүп, атаандаштардан артта калды. Мындан тышкары, компания изилдөө жана иштеп чыгуу бөлүмүн кыскартып, инновация жаратуу мүмкүнчүлүгүн жоготту. Натыйжада сатуу кескин түшүп, чыгымдар өсө баштады.

2011-жылы өнөктөштүк расмий түрдө аяктап, Sony компанияны толук көзөмөлгө алды. Ошентип, Sony Ericsson бренди тарыхта калды.

Sony Ericsson’дун кулашына технологиялык өзгөрүүлөргө кеч реакция жасаган кайдыгерлик шалаакылыгы менен ички корпоративдик конфликттер жана стратегиялык каталардын кесепети тийди. Бир кезде рынокту багындырган бренд инновациядан артта калса, канчалык күчтүү болбосун жоголуп кетерин бул окуя ачык көрсөттү.