Орусиянын президенти Владимир Путин "Ата Мекенди коргоочулар" борборуна баргандан кийин, атайын аскердик операциянын (СВО) катышуучуларын жана алардын үй-бүлөлөрүн колдоо боюнча тапшырмалардын тизмесин бекитти. Бул тууралуу РИА Новости билдирди.

Президент төмөнкү тапшырмаларды берди:

Социалдык контракт программасынын алкагында СВОнун ардагерлерине колдоо көрсөтүүнүн өзүнчө багытын киргизүү;

СВО катышуучуларына жана алардын үй-бүлөлөрүнө аймактык социалдык колдоо чараларын көрсөтүү боюнча негизги стандарт иштеп чыгуу;

Атайын аскердик операцияга катышкан бардык категориядагы жоокерлерге согуш ардагери макамын берүү мүмкүнчүлүгүн камсыз кылуу;

СВО учурунда каза болгон жоокерлердин бойго жеткен балдарын төлөмдөрдү алууга укугу бар жарандардын тизмесине киргизүү;

Каза болгон жоокерлердин жашы жете элек балдарына белгиленген төлөмдөрдү коргоо механизмин камсыз кылуу;

Каза болгон жоокерлердин жашы жете элек бир туугандарына алардын балдары үчүн каралган айрым социалдык колдоо чараларын жайылтуу мүмкүнчүлүгүн кароо;

"Ата Мекенди коргоочулар" фондунун ишмердүүлүгүн дайынсыз жоголгон СВО катышуучуларынын үй-бүлө мүчөлөрүнө да кеңейтүү;

Фонддун аймактык филиалдарын материалдык-техникалык жактан камсыз кылуу тутумун жакшыртуу.

Өткөн жумада Путин "Ата Мекенди коргоочулар" фондунун кызматкерлери жана жардам алган адамдар менен жолугушту. Жолугушуунун жүрүшүндө катышуучулар президенттен бардык аймактар үчүн бирдиктүү социалдык колдоо стандартын киргизүүнү, 2014-2022-жылдары Донбасста согушкан жоокерлерге аскердик кызмат өтөө тууралуу чакыруу кагазы жиберилбешин камсыздоону жана түрмөдөн фронтко ыктыярдуу кеткен "Шторм Z" бөлүгүнүн жоокерлерине согуш ардагери макамын берүү мүмкүнчүлүгүн карап чыгууну өтүнүштү. Путин бул маселелер боюнча тиешелүү тапшырмаларды берерин билдирди.