АКШнын администрациясынын коркутууларынан улам Венесуэланын куралдуу күчтөрү өлкөнүн бардык аймагына жайгаштырылды.

Бул тууралуу Венесуэланын президенти Николас Мадуронун билдирүүсүндө айтыларын өлкөнүн Куралдуу күчтөрүнүн стратегиялык оперативдик командачылыгынын маалымдады.

“22 жумага созулган аскердик, элдик жана полициялык машыгуулар Венесуэланы мурда эч качан жетишпеген эң жогорку деңгээлдеги комплекстүү коргонуу жөндөмдүүлүгүнө чыгарды. Аларды өз жерибизди, эгемендүүлүгүбүздү, кадыр-баркыбызды коргоого даярдап, келечек муундарга эркин жана эгемендүү мекенди кепилдедик”,- деди Мадуро башчысы видеокайрылууда.

Президент АКШнын коркутууларына байланыштуу өлкөдө акыркы беш айдан бери ополчендер жана полиция бөлүктөрү катышкан “Көз карандысыздык 200” аттуу аскердик машыгуулар өтүп жатканын эске салды. Ал АКШнын Венесуэлага каршы аракеттерин айыптады.

“Психологиялык террор бизди туура жолдон бир сантиметр да бура алган жок. Биз кандай кырдаал  болбосун ошол жол менен барып, элибиз татыктуу болгон күчтүү мекенди курушубуз керек”, – деп баса белгиледи Мадуро.

Вашингтон Венесуэланын бийлигин баңгизат аткезчилигине каршы жетишсиз күрөшүп жатат деп негизсиз айыптап келет. АКШнын Аскер-деңиз күчтөрү Кариб деңизине Gerald R. Ford учак ташуучу кемеси башында турган сокку уруу тобун, атомдук суу алдындагы кайыкты жана 16 миңден ашуун аскер кызматкерин жайгаштырды. Сентябрдан бери АКШнын аскер күчтөрү бул аймакта жок дегенде 20 ылдам жүрүүчү кайыкты чөктүрүп, натыйжада 80ден ашуун адам каза болду.

29-ноябрда АКШ президенти Дональд Трамп Truth Social платформасында Венесуэланын үстүнөн аба мейкиндиги жабылганын жарыялаган. Америкалык ЖМКлар көп ирет АКШ жакын арада республика аймагына сокку урууну башташы мүмкүн экенин билдиришкен. 27-ноябрда Трамп Вашингтон Венесуэладан келген баңгизат агымына каршы жер үстүндө да күрөш баштай турганын айткан.

Ошол эле учурда Венесуэланын Тышкы иштер министри Иван Хиль Пинто Венесуэла республиканын аба мейкиндигин жана аймагын толук көзөмөлдөп жатканын билдирди.