Кыргызстанда сасык тумоо менен КРВИ ооругандардын саны азаюуда. Бул тууралуу Мамлекеттик санитардык эпидемиологиялык көзөмөл департаментинен билдиришти.

Ыкчам маалыматка ылайык, 2024-жылдын 6-жумасында (05.02-011.02.2024-ж.) республика боюнча КРВИ жана сасык тумоонун 7216 учуру катталды. Ооругандардын ичинен 68,8%ын 14 жашка чейинки балдар түзөт.

Октябрдан тарта 1 миң 641 бейтаптан анализ алынды, лабораториялык изилдөөнүн жыйынтыгы боюнча эпидсезон сасык тумоонун А/Н3N2 түрү менен негизделет.

Мындан сырткары, курч респиратордук вирустук инфекциялардын циркуляциясы да байкалууда.

Республикада КРВИ жана сасык тумоо менен ооругандардын санынын көптүгүнөн жабылган мектеп жана бала бакчалар жок.

Булак: NazarNews.kg