www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
15-ноябрда Ташкент шаарында Кыргызстан, Өзбекстан жана Тажикстандын тышкы иштер министрлери мамлекеттик чек аралардын кесилишүү чекити тууралуу келишимди ратификациялоо боюнча грамоталар менен алмашуу Протоколуна кол коюшту. Бул тууралуу Өзбекстандын тышкы иштер министри Бахтиёр Саидов Telegram-каналында билдирди.
Анын айтымында, документ үч өлкөнүн чек аралары кесилишкен так пунктту юридикалык жактан биротоло бекитет. «Протоколго кол коюлушу бүтүндөй регион үчүн маанилүү окуя. Бул чечим Борбор Азия мамлекеттеринин жакшы коңшу мамилелериндеги жаңы жана позитивдүү этапты чагылдырат», — деп жазды Саидов.
Маалыматка ылайык, келишим конструктивдүү диалогдун, өз ара ишенимдин жана тараптардын бирдиктүү саясий эркинин жыйынтыгы болду. Ратификация процессинин аякташы үч мамлекеттин татаал маселелерди сүйлөшүү, дипломатиялык жол жана өз ара урмат-сый аркылуу чече аларынын далили катары белгиленди.
Протоколго кол коюлушу мындан ары да аймактагы тынчтыкты, туруктуулукту жана ынтымакты бекемдөөгө өбөлгө түзөрү, чек араларды делимитациялоо жана демаркациялоо маселелери Борбор Азия үчүн тарыхый жактан өзгөчө мааниге ээ экени айтылат.
< Предыдущий
Следующий >
Последние новости
