Кыргыз Республикасынын Жогорку Кеңешинин депутаты, академик Кубанычбек Жумалиев өлкөдө орун алган соңку кырдаалда калктын аялуу катмарына колдоо көрсөттү. Бул тууралуу Жогорку Кеештин Басма сөз кызматы билдирди. 

Депутаттын демилгеси менен Жалал - Абад областынын Аксы районунун Кербен шаарынын, Ак-Жол, Жаңы-Жол, Кара-Жыгач, Кара-Суу, Кызыл-Туу, Авлетим, Жерге-Тал айыл аймактарынын жана Таш-Көмүр шаарынын аз камсыз болгон үй-бүлөлөрүнө кайрымдуулук иреетинде 1 млн. сомго 25 тонна ун, ошондой эле Авлетим жана Жаңы-Жол айылына 50 миң сомго 2 миң даана беткап таратылды.

Жардам алган элдин тобу парламентарийге ыраазычылык каттарын да жолдошууда.