Акыркы 5 жылда бир нече жолу операция болуп, учурда Англияда бозгунда жүргөнүн, болгон байлыгын, мүлкүн УКМКнын мурдагы төрагасы Камчыбек Ташиевдин тартып алганы туурасында сериял кылып Фейсбук баракчасына жазып жаткан “Аю” ишканасынын негиздөөчүсү Шаршенбек Абдыкеримов дагы бир кызык окуяны баяндады. 

– 2023-жылдын июль айында УКМКга «АЮ» коомдук бирикмесинин башкы директору Исаев Т.А. чакырылган. Ал учурда ал ИИМдин тергөөчүсүндө суракта болчу.

УКМКдагы жолугушууга финансист Нурлан Абдыраев барган. Аны өткөрмө пункттан түз эле Камчыбек Ташиевдин кабинетине алып киришкен. Кабинетте чай үстүндө Камчыбек Ташиев менен Равшан Сабиров отурган. Нурланды да кошулууга чакырышкан.

Сөз башында ал мындай деп айткан: Компания «АЮ» кетирилген мыйзам бузуулар үчүн 20 миллион доллар айып төлөөгө даяр.

Бирок аны Камчыбек Ташиев бөлүп токтоткон:

– 30 миллион доллар төлөйсүңөр. 

Бир чыны чайдан кийин Нурлан макул болгон.

УКМК имаратынан чыккандан кийин ал мага кубанып телефон чалды:

– Баары жакшы, чай ичтик, макулдаштык. 30 миллион доллар төлөйбүз.

Мен шок болдум.

– Сен эмне кылдың? Сен жаңы эле бир чыны чайга кошумча 10 миллион доллар “ичип” койдуң.

Ага чейин кеп башкача болчу, 20 миллион долларлык актив киргизүү – имарат, завод. Бизде реалдуу долбоорлор жана инвесторлор бар эле – Токмоктогу «Касиет» ААК, Ош жана Жалал-Абад облустарындагы пахта заводдору. Азербайжандык инвесторлор түштүктөгү пахта бизнесине кирүүгө даяр болчу.

Бирок бизнесте үйдө кап-кап акча жата бербейт. Бизнес – бул жүгүртүү каражаттары, активдер, өндүрүш жана милдеттемелер.

Мен Нурландан сурадым:

– Эмне үчүн жолугушууга чейин мага айткан жоксуң?

Ал жооп берди:

– Баары шашылыш болду, жетишпей калдым.

Жыйынтыгында Камчыбек Ташиев 30 миллион долларды накталай алып келүүгө 30 күн убакыт берди. Ал эми бир ай өтпөй «АЮнун» башкы директору, бухгалтерлер, технологдор жана башка жөнөкөй кызматкерлерге чейин камакка алуулар башталды.

Кыргызстанда «бир чыны чай» деген нерсе мына ушундай. Камчыбек Ташиевдин кабинетиндеги бир чыны чайдын баасы – 10 миллион доллар, – деп жазды Шаки.