Иран «күтүп жатат» жана америкалык аскерлердин кандай гана болбосун кургактагы басып кирүүсүнө каршы турууга даяр. Бул тууралуу 5-марттта Ирандын тышкы иштер министри Аббас Аракчи билдиргенин CNN жазды.

«Биз аларга каршы туруштук бере аларыбызга ишенебиз жана бул алар үчүн чоң катастрофага айланат», — деди ал NBC News телеканалына берген маегинде.

Аракчи анын өлкөсү мурдагы жаңжалдардан сабак алганын жана азыр басып кирүү болгон учурда америкалык аскерлерге каршы тура ала турган кыйла даяр жана күчтүү куралдуу күчтөргө ээ экенин айтты.

«Мен “биз аларды күтүп жатабыз” деп айтканым, биз согуштун улануусун күтүп жатабыз дегенди билдирбейт. Жок. Бирок биз ар кандай сценарийге, окуялардын ар кандай өнүгүшүнө, бардык мүмкүнчүлүктөргө даярданып койгонбуз жана биз муну жеңе аларыбызды билебиз», — деди ал.

Ал Иран ок атышууну токтотууну сурабай турганын жана АКШ менен сүйлөшүү үчүн себеп көрбөй турганын айтты.

«Биз алар менен эки жолу сүйлөшүү жүргүзгөнбүз жана ар бир жолу сүйлөшүүлөрдүн кызуу учурунда алар бизге кол салышкан. Ошондуктан биз ок атышууну токтотууну да, АКШ менен сүйлөшүүлөрдү да сурабайбыз», — деди Аракчи.

Ирандын тышкы иштер министри өткөн жумадагы америкалык-израилдик соккудан кийин Ирандын жогорку лидери аятолла Али Хаменеи өлтүрүлгөнүнө карабастан, АКШ Иранда тез жеңишке жетип же режимди алмаштыра алган жок деп баса белгиледи.

«Система иштеп жатат. Командирлер алмашты жана жакында жаңы жогорку лидер дайындалат», — деди ал.