www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Индиянын түштүгүндөгү Тамил Наду штатында саясий митингде болгон тепсендиде кеминде 39 адам набыт болду, алардын арасында балдар да бар. Бул тууралуу kun.uz жазып чыкты.
Ишемби күнү Карур районунда он миңдеген адамдар актер жана саясатчы Виджайдын шайлоо митингине чогулушту.
Саясатчы Сентил Балажи жергиликтүү оорукананын алдында журналисттерге сүйлөп жатып, каза болгондордун санын ырастап, 50дөн ашуун адам жарадар болгонун айтты.
Мамлекеттик саламаттыкты сактоо министри Ма Субраманян жергиликтүү маалымат каражаттарына билдиргендей, каза болгондордун арасында кеминде 16 аял, тогуз эркек жана алты бала бар.
Тамил Наду штатынын өкмөт башчысы Мутхувел Карунаниди Сталиндин айтымында, кээ бир адамдар тыгында эс-учун жоготуп ооруканага жеткирилген жана расмийлер коңшу аймактардан дарыгерлерди жардамга чакырышкан.
Ал ошондой эле маркумдардын үй-бүлөлөрүнө бир миллион рупий (11 300 доллар) компенсация төлөнөрүн жана окуя боюнча иликтөө жүргүзүлөрүн жарыялады.
Интернетте жарыяланган билдирүүсүндө Виджай анын "жүрөгү ооруп" жана "чыдай алгыс, айтып жеткис ооруну жана кайгыны" башынан өткөрүп жатканын айтты.
Ал каза болгондордун жакындарына терең кайгыруу менен көңүл айтып, ооруканага жаткырылгандардын тезирээк сакайып кетишин каалады.
Индиянын премьер-министри Нарендра Моди X платформасындагы билдирүүсүндө окуяны "кайгылуу кырсык" деп атады.
< Предыдущий
Следующий >
Последние новости
