2026-жылдын 29-апрелинде Кытай Эл Республикасынын Гуандун провинциясынын Хуэйчжоу шаарында «Борбордук Азия өлкөлөрүнүн соода мүмкүнчүлүктөрү жана долбоордук сатып алуулар боюнча презентациясы» аттуу иш-чара өткөрүлдү. Аталган иш-чаранын негизги уюштуруучуларынын бири катары Кыргыз Республикасынын Гуанчжоу шаарындагы Башкы консулдугу Хуэйчжоу шаарынын Соода башкармалыгы, Хуэйчжоу шаарынын Соода-өнөр жай палатасы, Хуэйчжоу шаарынын Кызмат көрсөтүү соодасы жана аутсорсинг ассоциациясы, ошондой эле «Борбордук Азия – Гуандун» Башкы соода палатасы менен биргеликте уюштурду.

Иш-чарага мамлекеттик органдардын, бизнес чөйрөнүн, тармактык ассоциациялардын өкүлдөрү жана Кыргыз Республикасы менен соода-экономикалык жана инвестициялык кызматташтыкты өнүктүрүүгө кызыкдар болгон 300гө жакын кытайлык ишкана катышты.

Иш-чаранын жүрүшүндө Башкы консулдуктун кызматкерлери чыгып сүйлөп, Кыргыз Республикасынын инвестициялык мүмкүнчүлүктөрүн, эки тараптуу кызматташтыктын келечектүү багыттарын тааныштырып, ошондой эле Борбордук Азиядагы ири инфраструктуралык туристтик долбоорлордун бири болгон «Ала-Тоо Резорт» бардык мезгилдерге ылайыктуу тоо кластеринин улуттук долбоору тууралуу маалымат беришти.

Өткөрүлгөн иш-чара Кыргыз Республикасынын инвестициялык потенциалын илгерилетүүгө, кыргыз-кытай ишкер байланыштарын чыңдоого жана эки өлкөнүн бизнес өкүлдөрүнүн ортосунда жаңы кызматташтык байланыштарын түзүүгө маанилүү өбөлгө түздү.