Түркия президенти Режеп Таййип Эрдоган акыркы 11 айда Түркиянын коргоо жана авиация экспортунун өткөн жылдын ушул эле мезгилге салыштырмалуу 30 пайызга өсүп, $7.445 миллиардга жеткенин айтты. Бул тууралуу трт басылмасы жазып чыкты.

Ишемби күнү Аскер-деңиз платформаларын ишке киргизүү, желек көтөрүү жана биринчи болот кесүү аземинде сөз сүйлөгөн Эрдоган: "Учурда биз коргонуу экспорту боюнча дүйнөдө 11-орунда турабыз. Акыркы 11 айда биздин коргонуу жана авиация экспортубуз өткөн жылдын ушул мезгилине салыштырмалуу 30%га өсүп, 7,445 миллиард долларга жетти", - деди.

Ал учурда Түркия дүйнөдө коргоо өнөр жайын экспорттоочулардын арасында 11‑орунда экенин баса белгиледи.

Президент Түркиянын коргонуу өнөр жай долбоорлору продукцияны өнүктүрүүгө гана эмес, экосистеманы жана технологиялык өндүрүш кубаттуулугун кеңейтүүгө да багытталганын билдирип, "Түркия катары биз коргонуу өнөр жайы жаатында ишке ашырган ар бир долбоордо продукцияны гана иштеп чыкпастан, технологиялык өндүрүш кубаттуулугубузду жогорулатууну да көздөйбүз", - деди.

"Тынчтыкты, көз карандысыздыкты жана келечегибизди коргоо үчүн"

Эрдоган ошондой эле Түркия өзүнүн согуштук кемелерин иштеп чыгып, ишке киргизген дүйнөдөгү 10 өлкөнүн бири экенин айтып, "Биз ошондой эле TCG Anadolu кемесинин улуу бир тууганы боло турган учак ташуучу кемебиздин курулуш процесстерин баштадык" деп кошумчалады.

Эрдоган андан ары кургактыкта, деңизде, абада жана кибернетикада сестентүүчү боло турган кошумча долбоорлор бир-бирден ишке ашырыла турганын жана изилдөө жана иштеп чыгуудан баштап долбоорлоого, программалык камсыздоодон массалык өндүрүшкө чейинки бардык процесстер ички жана улуттук ресурстар менен башкарылаарын билдирди.

Эрдоган инвестициялар согушка даярданууга багытталбаганын айтып, "Биздин максатыбыз согушка даярдануу эмес; бул тынчтыкты коргоо" деп билдирди.