www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Эмираттын учагы Гонконгдон учуп-конуу тилкесинен чыгып, деңизге түшүп кеткенден кийин эки адам каза болду. Бул тууралуу чет элдик басылмалар жазып чыкты.
Дүйшөмбү күнү эртең менен жүк ташуучу учак Гонконг эл аралык аэропортунун түндүк конуу тилкесинен чыгып кетип, жердеги унаа менен кагылышып, жарым-жартылай деңизге конуп, эки киши каза болду. Кийинчерээк жергиликтүү бийлик аба ырайы жана учуп-конуу тилкеси "коопсуз" экенин билдиришкен.
Полициянын маалыматы боюнча, таңкы саат 03:50 чамасында Дубайдан учуп келе жаткан Эмираттын EK9788 рейси конуу учурунда учуу тилкесинен чыгып кетип, патрулдук унааны сүзгөн.
Боинг 747 жүк ташуучу учагы өз убагында токтой албай, аэропорттун түндүк конуу тилкесине жакын сууга конгону менен жарымы жээкте калган. Алдын ала маалыматтарга караганда, учак деңизде унаа менен да кагылышкан.
Алгач коопсуздук унаасынын ичиндеги эки киши дайынсыз жоголгон. Алардын бири 30 жаштагы эркек кишини суучулдар суудан алып чыгып, саат 05:55те окуя болгон жерде каза болгон. Экинчиси, 41 жаштагы киши Түндүк Лантау ооруканасына жеткирилип, ал таңкы саат 6:26да каза тапкан.
Экипаждын төрт мүчөсү тең жабыркаган эмес.
Окуядан улам аэропорттун түндүк конуу тилкеси убактылуу жабылды.
Аэропорттун жетекчилиги учактын ээси ACT Airlines жана анын оператору Эмираттар менен байланышып, иликтөө иштери жүрүп жатат.
< Предыдущий
Следующий >
Последние новости
