Учурдагы президент Дональд Трамп Азык-түлүк жана дары-дармек башкармалыгы (FDA) BioNTech жана Pfizer компаниясы тарабынан иштелип чыккан коронавирустук вакцинаны бекиткенин жарыялады.

Трамп коронавируска каршы эмдөө АКШда 24 сааттын ичинде башталат деп ишендирүүдө.

«Бүгүн биздин өлкө медициналык ийгиликке жетишти. Тогуз айда эле коопсуз жана натыйжалуу вакцинаны иштеп чыктык. Бул тарыхтагы эң ири илимий жетишкендиктердин бири», - деди Трамп видео кайрылуусунда.

Анын айтымында, АКШ дүйнөдө биринчи болуп коопсуз жана натыйжалуу вакцинаны ойлоп тапкан.

«FedEx жана UPS менен биргеликте биз вакцинаны бардык штаттарга тарата баштадык. Биринчи эмдөө 24 саатка жетпеген убакыттын ичинде жасалат», - деп белгиледи ал.

Ошондой эле Трамп коронавируска каршы вакцина бардык америкалыктар үчүн акысыз болорун белгиледи.

Эске салсак, буга чейин, Улуу Британия BioNTech жана Pfizer тарабынан иштелип чыккан вакцинаны каттоодон өткөргөндүгү тууралуу кабарлаганбыз.

Суннатилла Абдуллаев, Ташкент

Булак: NazarNews.kg