Польшада аскер кызматкерлери африка чумасына кабылган кабандарды издөөгө тартылды. Бул тууралуу поль порталы Interia кабарлады.

50дөн ашык аскер өлүк кабандын табылган аймагын текшерип жатат. Аскерлер талаа аймактарын карап, ооруп калган же өлгөн жаныбарларды табууга аракет кылууда. Бул аракеттер вирустун андан ары жайылышын алдын алууга багытталган.

Лодзинск күчтөрүнүн өкүлү билдиргендей:

"9-батальондун аскерлери катуу санитардык талаптардын шартында иштөөгө толук даярдалган."
Маалыматка ылайык, ооруп калган кабан Розпржа аймагында табылган. Аталган жер Польшадагы негизги чочко багылуучу  аймактардын бири.

Польша бийлиги иликтөөнү баштады, бул тууралуу Польша айыл чарбасы жана айылдык өнүгүү министри Стефан Краевский билдирди. Анын айтымында, жаныбардын өзгөчө абалы жана табылган жери тергөө органдарынын шектенүүсүн жараткан. Кабылган кабандын тушкасы бөлүнүп, ичтери алынган, жаныбардын бутуна аркан байланган.

Краевский X социалдык тармагындагы баракчасында мындай жазган:

"Мен дароо кызматтарга аймакты коопсуз кылуу жана чара көрүү тапшырмасын бердим. Биз Польша айылдарын коргойбуз жана вирус атайлап жайылышына жол бербейм. Чара көрүлүүдө!"

Жергиликтүү бийлик, ветеринардык жана токой кызматтары менен биргеликте, ооруп калган кабандын табылган аймагында коопсуздукту күчөттү. Чочко багуучулар үчүн бир катар милдеттер жана чектөөлөр киргизилди.

Порталдын маалыматына ылайык, вирус адам үчүн кооптуу эмес, бирок чочколорго өтө тез жугат. Анын жайылышы Польша фермерлери үчүн олуттуу экономикалык кесепеттерди жаратышы мүмкүн.