www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кыргыз Республикасынын Президенти Садыр Жапаров экономика жана коммерция министри Бакыт Сыдыковду санкциялык саясат жана санкциялык тобокелдиктерди азайтуу маселелери боюнча өзүнүн атайын өкүлү кылып дайындады.
Президенттин Администрациясынын маалыматына ылайык, жаңы кызмат Кыргыз Республикасынын экономикалык кызыкчылыктарын коргоо, санкцияларга байланыштуу тобокелдиктердин алдын алуу жана бул багыттагы мамлекеттик органдардын ишин координациялоо максатында түзүлдү.
Тиешелүү жарлыкка ылайык, Бакыт Сыдыковго 2026-жылдын 31-декабрына чейин Кыргыз Республикасынын Министрлер Кабинетинин Төрагасынын орун басары макамы ыйгарылды.
Атайын өкүлдүн негизги милдеттерине эл аралык санкциялардын өлкөнүн экономикасына тийгизген таасирин талдоо, санкциялык тобокелдиктерди азайтуу боюнча сунуштарды иштеп чыгуу, чет мамлекеттер жана эл аралык уюмдар менен сүйлөшүүлөрдү жүргүзүү, ошондой эле мамлекеттик органдардын бул багыттагы ишин координациялоо кирет.
Мындан тышкары, атайын өкүл мамлекеттик органдардан жана мекемелерден керектүү маалыматтарды суратып алууга, жумушчу топторду түзүүгө жана санкциялык саясат маселелери боюнча Президентке жана Министрлер Кабинетине сунуштарды киргизүүгө укуктуу.
Бул чечим учурдагы эл аралык экономикалык шарттарда Кыргызстандын экономикалык туруктуулугун камсыз кылууга жана тышкы тобокелдиктердин таасирин минималдаштырууга багытталган.
< Предыдущий
Следующий >
Последние новости
