Өлкөдө Кадыр түн 6-апрелге караган түнү болот. Бул тууралуу Кыргызстан мусулмандарынын дин башкармалыгы билдирди.

Муфтият Кадыр түндө аалымдардын баяны айтылчу телекөпүрө уюштурууну пландап жатат. Адатта Кадыр түн Орозо айынын 27-түнү белгиленет. Бул түнү мусулмандар таң аткыча уктабай, мечиттерде имамдар баян айтып, Мухаммед пайгамбардын хадистерин окушат.

Кадыр түн араб тилинен которгондо кудурети күчтүү деген маанини билдирет. Бул түнү мусулмандар эң чоң байлыкка — Алла Тааладан күнөөлөрүнүн кечирилишине ээ болот. Кадыр түн күн баткандан таң аткыча уланат.

Бул түндү көңүл ачуучу жайларга барбай, ушак айтпай, спирт ичимдигин ичпей, көркөм тасма же сериал көрбөй өткөрүү керек. Ошондой эле кадыр түн ыр-бий менен өтпөшү зарыл.

Булак: NazarNews.kg