2026-жылдын 31-августунда Бишкекте өтө турган VI Дүйнөлүк көчмөндөр оюндарынын салтанаттуу ачылышына келген көрүүчүлөр үчүн «Бишкек Аренага» атайын шаттл-автобустар уюштурулат.

Шаттл-автобустар шаар боюнча белгиленген 21 пункттан каттайт. Көрүүчүлөр өздөрүнө ыңгайлуу болгон жерден автобуска отуруп, «Бишкек Аренага» жете алышат.

Шаттл-автобустардын жөнөө пункттары:

1. Ибраимов жана Фрунзе көчөлөрүнүн кесилиши;
2. Жибек Жолу проспектиси менен Кулиев көчөсүнүн кесилиши (мурдагы Батыш автобекети);
3. Барпы Алыкулов көчөсү, 32 (Киркомстрой);
4. А. Токомбаев көчөсү, 3/7 (Асанбай кичи району);
5. «Ак-Кула» автобекети — Кожомкул айылы, Фрунзе көчөсү, 13Б/1;
6. Ауэзов көчөсү, 4 (Аламүдүн-1 кичи району);
7. «Тунгуч» кинотеатры, 64/1;
8. Аул көчөсү, 10А/1 (Кожзавод);
9. Жибек Жолу проспектиси, 263/2 (мурдагы Чыгыш автобекети);
10. Иса Ахунбаев жана Достоевский көчөлөрүнүн кесилиши (Көк-Жар конушу);
11. Алтымышев көчөсү, 98/1;
12. Заречное айылы, Ала-Арча көчөсү, 1/6 («Глобус»);
13. Эркиндик бульвары, 1/А (темир жол бекети);
14. Жаш Гвардия көчөсү, 287 (Маевка айылы);
15. Малдыбаев көчөсү, 275/6 (Жаштар кварталы);
16. Шабдан Баатыр көчөсү, 52 (ДЕПО-2);
17. Ю. Фучик көчөсү, 6 (ДЕПО-1);
18. Дэн Сяопин проспектиси, 209;
19. Гагарин көчөсү, 284 — Фрунзе көчөсү менен кесилишкен жер;
20. Ала-Тоо көчөсү, 115 (Ала-Тоо конушу);
21. Тыналиев көчөсү, 16.

Иш-чара аяктагандан кийин көрүүчүлөр «Бишкек Арена» стадионунан аталган пункттарга тиешелүү багыттар боюнча кайра каттаган шаттл-автобустарды пайдалана алышат.

Бишкек мэриясы шаар тургундарына жана борбор калаанын конокторуна каттамын алдын ала пландап, өздөрүнө ыңгайлуу болгон жөнөө пунктун тандап алууну сунуштады.

Шаттл-автобустардын жөнөө пункттары жана каттамдары тууралуу маалыматты «Менин шаарым» («Мой город») мобилдик тиркемесинен көрүп, транспорттун кыймылын онлайн көзөмөлдөөгө болот.

Мэрия көрүүчүлөргө иш-чара аяктагандан кийин «Бишкек Аренага» келген каттам боюнча кайра кайтууну сунуштайт.