Бул тууралуу маалыматты журналист Кудрет Тайчабаров президентке алдыда болуучу парламенттик шайлоо тууралуу видеокайрылуу жасап жатып таратты.

Анда журналист “Бир Бол”, “Өнүгүү-Прогресс” партиялары парламентке Атамбаевдин командасынын долбоору катары барганын, ошон үчүн аталган партиядан депутат болгондор бийликке ийкемдүү, тил алчаак экендигин көрсөткөнүн айтат. Аны менен катар Тайчабаров аталган эки партия кайсы күндөрү, кайсы жерде түзүлгөнүн, тизмеге кимдер кирбей калганын, ким 1 миллион 200 миң долларга мандат сатып алганын жана 500 миң долларлык “золотой мандатка” кимдер ээ болгонун билээрин кошумчалаган.

 Мм... Буга чейин ал убакта мандаттын көмүскө “баасы” 500 000 долларга чейин жеткенинен коомчулук да кабардар болчу. Ал эми журналист айткан 1 миллион 200 миң долларга кайсы олигарх мандат сатып алды экен? Ким билет, ыя?

Аталган тема видеонун 4:30  мүнөтүнөн баштап айтылат.

Булак: NazarNews.kg