Жума күнү, 9-декабрга караган түнү Ленинград шоссесинде, Москва шаары менен Москва облусунун чек арасына жакын жайгашкан "Мега Химки" ири соода борборунда катуу өрт чыкканын Би-Би-Си орус кызматы билдирди.

ТАССтын өзгөчө кырдаалдар кызматынын маалыматына таянуу менен билдиргенине караганда, соода комплекси бүткүл аймакта күйүп, өрттүн аянты 18 миң чарчы метрди түздү.

Москва убактысы боюнча саат 08:30дар чамасында (Бишкекте 11:00) Өзгөчө кырдаалдар кызматы журналисттерге 7 миң чарчы метр аянтта өрт чектөөгө алынганын билдирди. 

"Алдын ала маалыматтар боюнча, кеминде бир адам каза болду. Анын сөөгү чалгындоо учурунда табылган", — деп Интерфакс өзгөчө кырдаалдар кызматынын офицерине шилтеме берип жазды.

Өзгөчө кырдаалдар министрлиги өрттү өчүрүүгө авиация тартууну көздөп жатат. Жардамга Москвадан өрт өчүрүүчүлөр келишет.

Telegram каналдарына жарыяланган видеолордо соода борборунун үстүндө жаркырап, түтүн каптап жатканын көрүүгө болот.

Мындан тышкары, абдан күчтүү жарылуулар угулууда. Орус маалымат агенттиктерине шилтеме берүү менен чукул кызматтардын маалыматына караганда, курулуш материалдары департаментинде аэрозолдор жана боёк куюлган кутулар жарылууда.

"Ар кандай версиялар каралып жатат, анын ичинде техникалык версиясы - электр тармагындагы кыска туташуулар. Атайылап жасалган аракеттер, башкача айтканда, өрт коюу дагы каралууда", - деп билдирди мекеменин маалыматына таянып.

🔺 В Подмосковье загорелся ТЦ «Мега Химки». Взрыв произошёл в гипермаркете OBI.

Пострадавших, предварительно, нет. Площадь пожара достигла 7 тысяч квадратных метров pic.twitter.com/vfscwvBkDx

— Лента.ру (@lentaruofficial) December 9, 2022

Авиацию планируют привлечь к тушению пожара в ТЦ "Мега Химки", идет наращивание группировки, сообщили в МЧС.

Видео: Дарья Соколова/ТАСС pic.twitter.com/vC8cUw05B4

— ТАСС (@tass_agency) December 9, 2022

Булак: NazarNews.kg