Түндүк Кытайда кооптуу режим сакталууда – катуу жааган жамгырдан бир катар шаарларды, анын ичинде Пекинди суу каптады.

Интернетте тараган видеотасмаларда Кытайдын баш калаасы Пекинден 70 чакырымдай алыстыкта ​​жайгашкан Фангшан жана Фэнтай райондорунда унааларды агызып кеткени көрсөтүлгөн.

Пекинде метро үзгүлтүккө учурап, жүздөгөн автобустар, ондогон авиакаттамдар токтотулду.

Пекин бийликтери жекшемби күнү нөшөрлөп жааган жаан үчүн "кызыл" эскертүү берип, дүйшөмбү күнү суу ташкыны үчүн эң жогорку деңгээлге көтөрүлгөнүн билдирди. Бийлик миллиондогон адамдарды үйдө калууга эскертип жатат.

Булак: NazarNews.kg