Чүй облусуна караштуу Аламүдүн районундагы “Алтын казына” тойканасынын эки кызматкери 17 жаштагы кызга уктатуучу дары берип, аны мейманканага алып барып зордукташкан. Бул тууралуу “Бишкек 24” маалымат агенттигине кыздын жакындары билдирген.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от ЭЛДИК МААЛЫМАТ АГЕНТТИГИ (@bishkek24_kg)

Алардын айтымында, кечээ, 7-август күнү Аламүдүн РИИБи окуяга шектелген 2 жаранды бошотуп жиберген. Кармалгандар аталган кафенин администрациясында иштешет.

Ал эми биз маалыматты тактоо үчүн Чүй ОИИББинин басма сөз кызматына байланышканыбызда, бул окуя Кылмыштардын жана жоруктардын бирдиктүү реестрине катталып, тергөө иштери жүрүп жатканын билдиришти.

“Бул окуя боюнча кыз жана анын ата-энеси келип арыз жазып кетишти. Учурда медициналык экспертиза дайындалды. Азыр кылмыш тастыкталып же четке кагыла элек. Жыйынтыкты күтүп жатабыз. Эгер ал тастыкталса, кылмышка юридикалык баа берилет. Азырынча биз шектүүлөрдү кармоого укугубуз жок. Эгерде кылмыш тастыкталса анда чара көрүлөт”, – деп билдиришти облустук милициядан.