«Акылбек Жапаров Германияга Өмүрбек Текебаев менен акылдашканы, айрым жагдайларды алдын ала макулдашканы кеткендей эле сезилип жатат», - деди бүгүн, 4-майда NazarNews маалымат агенттигине коомдук ишмер Төрөбай Колубаев.

- Төрөбай мырза, Акылбек Жапаровдун Германияга дарыланууга кеткенинен айрымдар шек санай баштады го?

- Акылбек Жапаров чындап ооруп жаткан болсо сакайып кетсин. Бирок, анын башка мамлекетке эмес, Германияга дарыланганы кеткени мага Текебаевден кеңеш алганга кеткендей эле сезилет.

Анткени, бул баарын алдын ала ойлонгон, абалдан чыгуунун жолун тапканга ашыккан адам. Мага Акылбек Жапаров катачылыктарын түздөш үчүн Өмүрбек Текебаев менен акылдашканы, айрым жагдайларды алдын ала макулдашканы кеткендей эле сезилип жатат.

Булак: NazarNews.kg