Саясый "интрига"!

Журналист: NAZARNEWS

06.07.2018, 8:03

28457

саясат

"Таалайбек Сарыбашов бирөөгө жардам берсе берет, сурабайт. Элине жасаган ишин алайлыктар эле эмес облус эли бүт билет. Ачык айтканда мэр шайлоодо аты аталып жаткандыгы үчүн жасалган кимдир бирөөлөр жасаган "атайын буюртма" катары кабыл алса болот! Губернатор жерге ээлик кылбайт. Жерди айыл өкмөт кандай тартипте берет, өзү чечет. Ал Калыйнур аттуу ишкер жакында губернаторго киргени чын. Ал жерде эч кандай үлүш жөнүндө сөз болгон эмес. Ишкер, "таш казуу ишканасынын иштетүү үчүн элге барып, сиз ортого түшүп бериңиз", деп суранган. Таалайбек Сарыбашов элге барып, "иштеткиле" деп айтсам, эл арасында туура эмес сөз кетпөөсү үчүн, сен эл менен өзүң тил табыш. Мен мамлекеттен, райондук, айылдык деңгээлдеги жасалчу жумуштар болсо жардам берейин"-деген. Бул тууралуу өкмөттүн Ош облусундагы ыйгарым укуктуу өкүлүнүн басма-сөз кызматынын өкүлү Жумамидин Сулайманкулов, NazarNews.kg маалымат агенттигине билдирди.

Андан сырткары, "Кызыгы, Калыйнур аттуу ишкер, "үлүш сурап жатат" деп, чындыка дал келбеген имиш кептерди таркатууда, ал айткан ишкердин сөздөрүнө далил жок", - деп кошумчалады Жумамидин Сулайманкулов.

Белгилей кетсек, буга чейин Калыйнур аттуу ишкер, социалдык тармакка Ош облусундагы ыйгарым укуктуу өкүлү Таалайбек Сарыбашовду жазып чыккан эле.

Булак:NazarNews.kg