Президент Садыр Жапаров Кыргыз Республикасынын президентинин 2026-жылдын 3-сентябрындагы № 309 «Кезектеги V Элдик курултайды өткөрүү жөнүндө» жарлыгына өзгөртүүлөрдү киргизүү тууралуу» жарлыкка кол койду.

Жарлыкка ылайык, Кыргыз Республикасынын президентинин 2026-жылдын 3-сентябрындагы № 309 «Кезектеги V Элдик курултайды өткөрүү жөнүндө» жарлыгына төмөнкүдөй өзгөртүүлөр кирди.

Уюштуруу комитетинин курамынан үч адам чыгарылды:

Мамбеткерим Чекиров;
Аяз Баетов;
Канат Сагынбаев.
Алардын ордуна жана кошумча түрдө уюштуруу комитетинин курамына төрт адам киргизилди:

Алмаз Айылчиев — Кыргызстандын юстиция министри;
Алмаз Имангазиев — эмгек, социалдык камсыздоо жана миграция министри;
Чолпонкул Арабаев — Ишеналы Арабаев атындагы Кыргыз мамлекеттик университетинин Юридикалык институтунун юриспруденция кафедрасынын башчысы, академик, юридика илимдеринин доктору, профессор;
Сулайман Кайыпов — Улуттук илимдер академиясынын Асылбек Алтмышбаев атындагы Философия институтунун социалдык философия бөлүмүнүн башчысы, тарых илимдеринин доктору, профессор.
Ошентип, уюштуруу комитетинен үч катышуучу чыгарылып, төрт жаңы мүчө киргизилди.

Уюштуруу комитети V Элдик курултайды даярдоо жана өткөрүү, делегаттарды шайлоону уюштуруу жана тиешелүү иш-чараларды координациялоо үчүн жооптуу.

Жарлыктын текстинде кадрдык өзгөрүүлөрдүн себептери такталган эмес.

Эске салсак, V Элдик курултай 18-декабрда Бишкекте өтөт. Президент жарлыкка үстүбүздөгү жылдын сентябрь айында кол койгон. Элдик курултай 2022-жылдан бери өткөрүлүп келет.
Кененирээк: https://24.kg/a/1031382