Баңги затын мыйзамсыз жүгүртүү боюнча кылмыш иши менен кармалган Орусиянын Бажы академиясынын (РТА) Маалыматтык технологиялар борборунун проректор-директору Залим Керефов Ногинск шаарындагы СИЗОдо өз жанын кыйганын ТАСС агенттиги укук коргоо органдарындагы булакка таянуу менен билдирди.

Анын жансыз денеси бүгүн, 18-июлда, эртең менен камерадан табылганын булак билдирди. Бул тууралуу Mash Telegram каналы да жазды.

Ошол эле учурда Baza Telegram каналы Керефовдун сөөгү 16-июль, ишемби күнү табылганын кабарлады. Ал киши өз жанын кыйганы тууралуу кат калтырган. "Мен Залим Керефовдун каза болгонун тастыктай алам", - деди РБКга анын жактоочусу Алексей Цыганов. РБК Москва облусу боюнча Федералдык Жаза аткаруу кызматына суроо-талап жөнөттү.

«Мен муну аныкташым керек. Анын кандайдыр бир суицидге баруусуна эч кандай себеп көрбөй турам: ал абдан акыл-эси жайында, дени сак, күчтүү болчу. Ал тергөө менен кызматташып, минималдуу жазага ишенип жаткан», - деп кошумчалады адвокат.

Керефов 5-июлда кармалып, күч органдары тинтүү учурунда бир нече килограмм синтетикалык баңги затын алышкан. Тергөө комитетинин маалыматы боюнча, проректор 2 кг баңги затын сатып алып, азыраак партияларга таңгактап, анан Даркнетаркылуу сата баштаган.

Булак: NazarNews.kg