2019-жылдын 18-октябрында УКМК тарабынан КР ИИМ менен биргеликте Кыргызстандын аймагына кирүүгө тыюу салынган эл аралык террордук уюмдардын (ЭТУ) катарына рекруттарды жөнөтүү каналдарына бөгөт коюу максатында жүргүзүлгөн ыкчам-издөө иш-чараларынын алкагында 1994-ж.т., КР жараны Д.А. кармалды. Бул тууралуу УКМКнын маалымат кызматы кабарлады.

Маалыматка караганда, такталгандай кармалган Д.А. эл аралык террордук уюмдун лагеринен атайын диверсиялык-террордук даярдыктан өтүп жана башчысынын тапшырмасы боюнча террордук иш-аракеттерди аткаруу максатында КР аймагына келген.

2016-жылдан бери Д.А. Кыргыз Республикасынын Кылмыш-жаза кодексинин “Жалданмачылык” беренеси боюнча издөөдө жүргөн. Кармалган адам Жалал-Абад шаарынын ОИБ убактылуу кармоочу жайына киргизилди.

Азыркы учурда ыкчам-тергөө иш-чаралары жүргүзүлүп жатат.

Булак: NazarNews.kg