2010-жылдан кийин депутат Исхак Пирматовго «Кыргызнефтегаздан» 10 миллион доллардын айланасындагы каражатты кымырып алганы боюнча кылмыш иш козголбоду беле? Коррупцияга айыпталып, камалып кетээрде көшөгө артынан сүйлөшүүлөр таасир эткен. Икрам Илмияновдун колу мененби? Андагы бийликке жең ичинен канча миллион берген? Чийеленген суроолор арбын эй!

Ошондой эле, Кыргызстандагы ири нефтебазаларды ээлеп алганы, «Манас» эл аралык аэропортунан тымызын бизнес кылганы, жүздөгөн гектар жерлерге ээ болгону, темир жол вокзалынын жанындагы тарыхый мурас саналган имараттан пайда тапканы ыраспы? Дагы коомчулукка белгисиз иштери канча? Эмне үчүн бүгүнкү бийлик колтугуна калкалап отурат? Жооп жок! Анан кантип шектенбейсиң? Же баарын сатып алды беле?..

Булак: Азия News гезити