www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Иран парламентинин Улуттук коопсуздук боюнча комиссиясы АКШ жана Израилге таандык кемелердин Ормуз кысыгы аркылуу өтүшүнө тыюу салууну караган мыйзам долбоорун жактырды. Бул тууралуу IRIB агенттиги билдирди.
«Ормуз кысыгынын коопсуздугун камсыз кылуу жана туруктуу өнүгүүсү боюнча стратегиялык чаралар жөнүндө» мыйзам долбоорунда АКШ, Израиль жана Иран тарабынан душман деп саналган башка мамлекеттердин кемелерине кысык аркылуу өтүүгө тыюу салуу каралган.
Ошондой эле Израиль менен байланышы бар жүктөрдү Ормуз кысыгы аркылуу ташууга чектөө киргизүү сунушталууда. Эрежелерди бузган тараптарга ташылып жаткан жүктүн наркынын 20 пайызына чейин айып пул салуу каралган.
Мыйзам долбоору кабыл алынган учурда Ормуз кысыгындагы кеме каттамдарын жөнгө салуу жана кемелердин кыймылын көзөмөлдөө милдети Иран өкмөтүнө жүктөлөт. Коопсуздук чаралары өлкөнүн куралдуу күчтөрү менен биргеликте жүргүзүлөт.
Ормуз кысыгы Перс булуңун Оман булуңу жана Араб деңизи менен байланыштырган стратегиялык маанилүү деңиз жолу болуп саналат.
Буга чейин АКШ менен Ирандын ортосундагы мамилелер кайрадан курчуп, тараптар бири-бирин аскердик аракеттерди күчөттү деп айыптаган. АКШ президенти Дональд Трамп акыркы билдирүүсүндө Иранга каршы жаңы соккуларды пландалган келишимге байланыштуу токтотконун айткан.
< Предыдущий
Следующий >
Последние новости
