Иран АКШ менен өз ара түшүнүшүү боюнча меморандумдун 14 пункттан турган долбоорун коомчулукка сунуштады. Документте согушту токтотуу, санкцияларды жеңилдетүү жана өзөктүк маселе боюнча сүйлөшүүлөрдү баштоо каралган. Иран тарап текст дагы толукталып, тиешелүү мекемелер тарабынан караларын билдирди.

Долбоордогу негизги пункттар:

Бардык фронттордо, анын ичинде Ливандын аймагында согушту дароо токтотуу;

АКШнын Ирандын ички иштерине кийлигишпөөсү жана эгемендигин урматтоосу;

Деңиз блокадасын 30 күндүн ичинде толук алып салуу;

Иранга жакын аймактардан америкалык аскерлерди чыгаруу;

Ормуз кысыгындагы кеме каттамдарын 30 күн ичинде калыбына келтирүү;

Санкцияларды токтотуп, Ирандын тоңдурулган активдерине толук жеткиликтүүлүк берүү;

АКШ жана анын өнөктөштөрү тарабынан Иранга 300 миллиард доллар жардам көрсөтүү;

Өзөктүк маселе жана санкциялар боюнча 60 күндүк сүйлөшүүлөрдү баштоо;

Ирандын өзөктүк куралды жайылтпоо боюнча милдеттенмелерин ырастоосу;

АКШнын аймактагы аскердик күчтөрүн көбөйтпөө жана жаңы санкцияларды киргизбөө милдеттенмеси;

Бөгөттөлгөн 24 миллиард доллар каражатты бошотуу;

Макулдашуунун аткарылышын көзөмөлдөө механизмин түзүү;

Акыркы келишимди БУУнун Коопсуздук Кеңешинин резолюциясы менен бекитүү;

Ирандын каражаттарынын бир бөлүгү кайтарылып, мунай санкциялары жеңилдетилмейинче акыркы сүйлөшүүлөрдү баштабоо.

Ирандын Тышкы иштер министрлиги бул документ азырынча акыркы вариант эмес экенин жана дагы талкууланып, өзгөртүлүшү мүмкүн экенин белгиледи.